आफ्नो परिवारको आधारभूत आवश्यकता पूरा गर्न उद्देश्यका साथ विदेशिएका बझाङ्ग जिल्लाका दानगजी निवासी ३७ बर्षिय श्री हर्क बहादुर बि.कले आफ्नो जीवनको करिब ८ वर्ष भारतमा नै विताए l ८ वर्षमा पनि सोचे जस्तो आमदानी नहुदा र परिवारको सम्झनाले उनि पुनः नेपाल फर्किए र पछिल्लो २ बर्ष देखी वि.क. हाल धनगडीमा बसेर कुखुरापालन गर्ने योजना बनाउदै थिए। तर प्राविधिक तथा व्यावसायिक ज्ञान र सिपका साथै वित्तिय अभावले गर्दा उनको योजना केवल योजनामा मात्र सिमित भइरहेको थियो । वित्तिय समस्यालाई जनतन निर्वाह गर्न सकिने भए तापनि कुखुरापालन सम्बन्धि प्रयाप्त ज्ञान नभएको हुदा व्यावसाय सुरु गर्दा उनलाई ठुलै जोखिमको भार थियो ।
यसै माझ उनले सामाजिक संजाल फेसबुक मार्फत कुखुरापालन लगाएत कुषि तथा पशुपालन सम्बन्धि विभिन्न क्षेत्रमा तालिम संचालन भइरहेको उद्यमी फेलोसिपको बारेमा थाहा पाए l उद्यमी फेलोसिप अन्तर्गत स्थापित उद्यमीबाट कार्यस्थलमै प्रत्यक्ष तालिम पाइने हुनाले आफ्नो प्राविधिक तथा व्यावसायिक सिप बढाउनको लागि यही ठुलो अवसर हो भने महसुस हुदा उनि तालिममा सहभागी हुन काठमाडौँ सम्म आइपुगे ।
४ हप्त सम्म सुन्दरीजल स्थित १० देखि १४ हजार सम्म कुखुरा राखिने फार्ममा बसी तालिम लिएका वि.क तालिम पश्चात आफु पूर्ण सन्तुष्ट रहेको र आफुले सोचे भन्दा धेरै नै ज्ञान तथा सिप हासिल गरेको बताउदछन् । वि.क भन्दछन्, “ कृषि सम्बन्धि किताबमा आधारित २/३ दिन गरिने तालिम र फर्ममा नै बसेर गरिने तालिममा धेरै नै फरक रहेछ l एक अनुभवि व्यवसायीको निरीक्षणमा सिक्दा साना देखी ठुला गल्तिहरुले निम्ताउने जोखिमको सजिलै सामना गर्न सकिदो रहेछ l”
यस तालिमबाट उनले चल्लाहरुलाई हुर्काउने तरिका, उचित पानीको छनौट तथा मात्रा, भिटामिन, भ्याक्सिन लगाएतका औषधिहरु उचित समय र मात्रा मिलाएर दिने तरिका, दाना छनौट, खरिद र भण्डारण साथै तौलअनुसार दानाको मात्रा निर्धारण गर्ने, र कुखुराको बजारीकरण लगाएतका कुराहरुमा राम्रो जानकारी र अनुभव बटुले । त्यसैगरि, सिमित प्राविधिक तथा व्यवसायिक ज्ञान तथा सुनेको भरबाट नै व्यवसाय संचालन गरेको भए असफल भइने रहेछ भन्ने महशुस गर्नु नै उनको प्रमुख सिकाइ रहयो।
पहिले निर्वाहमुखी कुखुरापालन गर्ने योजनामा रहेका वि.क. तालिम बाट बढेको आत्मविश्वास र ज्ञान तथा सिप वृद्धिसंगै अब धनगडीमा दशै लगत्तै २००० कुखुरा राख्न सकिने २ ओटा खोर निर्माण गरि व्यावसायिक रुपमा कुखुरापालन संचालन गर्ने योजना समेत तयार पारेका छन् । उनि भन्दछन, “धनगडीको हावापानि अलि गर्मी हुने हुँदा कुखुरामा नयाँ रोग लाग्ने बढी सम्भावना समेत रहेको छ l” तर वि.क. यस समस्यालाई डटेर सामना गर्न केहि हद सम्म सक्षम भइसकेको बताउछन् र साथै उनी प्रविधिक विशेषज्ञ तथा भेटनरी डाक्टर बाट आवश्यक सहयोग लिएर समस्या समाधान गर्न सकिनेमा विश्वस्त छन् ।
उद्यमी फेलोसिप कार्यक्रम बाट अत्यन्तै सन्तुष्ट भएका वि.क., विशेष गरि प्रशिक्षक श्री चन्द्र तामांग र आयोजक ISAP लाई धन्यवाद व्यक्त गरे । अन्त्यमा उनले जोडे, “ देशमा कुनै विकल्प नपाएर विदेश जान योजनामा रहेका युवाहरुलाई यस किसिमको फार्ममै बसेर गरिने तालिम बाट देशमै आत्मानिर्भर बन्ने प्रेरण प्रदान गर्ने रहेछ ।”
कोई टिप्पणी नहीं:
एक टिप्पणी भेजें