नेपालको समग्र कृषि बजारमा उत्पादनको माग असिमित छ तर गुणस्तरिय वस्तु र उचित मूल्यमा कृषिजन्य वस्तुको उपलब्धता भने सिमित रहेको छ । यस कृषिजन्य बस्तु तथा सेवामा रहेको माग र पुर्ति विच रहेको अन्तरलाई सफलताको सुचकको रुपमा लिएर श्री श्याम कुमार श्रेष्ठ, श्री मोहन मल्ल र अन्य तीन साथिहरु मिलेर वि.स.२०६० मा जे.वि. कृषि तथा पशुपालन प्र्रा.लि. नाममा एक साझेदारी फर्म स्थापना गरेका थिऐ । हाल उक्त फर्ममा बाख्रापालन, गाईपालन, कुखुरापालन र तरकारी खेति संचालनमा रहेको छ । सरकारको युवा स्वरोजगार कार्यक्रम मार्फत २ लाखको सहयोग रकमबाट यस फर्मको स्थापना भएको थियो । प्रारम्भिक समयमा कुखुरापालन व्यावसाय गरेको फर्मले पछी लगानी विस्तार गर्दै गाईपालन पनि संचालन गरेको थियो । साथसाथै, हाल लगानि विस्तार गर्ने क्रममा बाख्रापालन र तरकारी खेति समेत सफलतापूर्वक संचालनमा गर्दै आएको छ ।
तथापी, उनिहरुलाई यस सफलता सम्म आउन त्यति सजिलो भने थिएन । भुकम्पले उनिहरुको बाख्रा फर्म पूर्ण रुपले भत्काउनुको साथै १५० बाख्रा मारेको थियो । उनिहरुले बाख्रापालन गरिरहेको जग्गा लिएर पनि विवाद आयो । जसले गर्दा ठुलो नोक्सान व्यहोर्नु परेको थियो र फर्म लगभग बन्द हुन लागेको थियो। तर, हरेस नमानी त्यसपश्चात बाख्रा फर्मलाई सुन्दरीजल बाट रामकोटमा सार्ने निर्णय भयो ।
साच्चै, जुन कठिनाइ र चुनौतिका विच पनि आफ्नो आशालाई जिवित राख्दै व्यावसायलाई पुन संचालनमा ल्याउनु एक जित समान थियो । आज, काठमाडौँको रामकोटमा अवस्थित उक्त फर्मले २६ रोपनी जग्गा भाडामा लिएर ६ रोपनी जग्गामा बाख्रापालन र बाँकी २० रोपनी जग्गामा त्।रकारी खेति र कुखुरापालन गर्दै आएको छ । हाल, फर्ममा ७० बाख्रा, १५ गाई, ३०० कुखुरा र तरकारी खेती रहेको छ । रामकोट अवस्थित बाख्रा फार्मको हालको कुल पुँजी करिव १ करोड ५० लाख पुगेको छ ।
साझेदारमा एकदमै समर्पित र कुशल युवाहरु संलग्न रहेका कारण, नोक्सान भएको रकम पुर्ति हुने र आउने समयमा फर्म नाफामा जाने कुरामा श्रेष्ठ निर्धक्क हुनुहुन्छ । नोक्सानको कारण निराश हुनुभन्दा, श्रेष्ठ र उहाँको साथिहरु फर्मको सफलताकाृे लागि कठिन कामहरु गर्न कहिल्यै पछि परेनन । उनिहरुको काम प्रतिको यो लगनशिलता, एक अर्का बिचमा रहेको विश्वास र साथले गर्दा यात्रा दिगो रहनेमा दुई मत छैन । श्रेष्ठ भन्नुहुन्छ, “सफलताको बाटो सहज त छैन, एक कृषकले कर्मशिल भई काममा लागेमा सफलता त्यति टाढा पनि छैन।” एउटा फर्म चलाउदा चुनौति र असफलताको कारण कहिलेकाही निराशा लाग्न सक्छ तर काम प्रति दृढ भएर लागेमा जस्तोसुकै चुनौतिको सामना गर्न सकिने श्रेष्ठ बताउदछन । सुरुमा काम गर्न गाह्रो भएतापनि पछि विस्तारै क्रमश राम्रो र रोचक लाग्ने श्रेष्ठको बुझाइ छ । श्रेष्ठ र उनको साझेदारहरु को विश्वास छ कि सफलताको लागि असफल हुन जरुरी छ किनभने त्यही असफलता बाटै मान्छेले पाठ सिक्न सक्छ ।
कोई टिप्पणी नहीं:
एक टिप्पणी भेजें